DO'A Istighfar dan Sya'ir Nasehat

SYI’IR DOA ISTIGHFAR

Ya Nabi kita nyuwun Syafa’atipun

Wonten panggenan nenem kang kita suwun

Pecatipun nyawa ingkang sepindhahipun

Mlebet ing Qubur ingkang ping kalihipun

Tangi saking Qubur ingkang ping tiganipun

Kempala ing Mahsyar ingkang sekawanipun

Wektune nimbang ‘amal ping gangsalipun

Wektune ngambah shirot ping nenemipun

Ya Alloh kita nyuwun dipun ngapunten

Sedaya dosa kita, alit lan ageng

SYI’IR NASEHAT

Awan – wengi aku iki nampa rejeki

Ayuh sujud kanggo syukur maring Illahi

Elingana ora wurung ya tekan pati

Mumpung urip ayuh padha sregep ngaji

Ora ana tujuan nang alam dunya

Amung madhep marang Dzat kang Maha Mulya

Sampurnane madhep iku dalan telu

Ya Syari’at, thorikot, hakekat melu

Maca Syi’ir aja janji maca syi’ir

Maca Syi’ir kudu dirasa lan dipikir

Maca Syi’ir aja niat dedolanan

Maca Syi’ir nyuwun ridlone Pangeran